Nýr sími o.fl.

Jæja þá er gamli síminn minn dauður. Ég gat ekki tekið læsinguna af símanum nema slökkva á honum og kveikja, gat ekki hringt og gat ekki séð símanúmerin í símaskránni minni - semsagt handónýtur :/ Ási er líka búinn að vera duglegur við að naga takkana af honum og vantaði orðið 3 takka þannig ég gat ekki hringt í númer sem voru með 7 eða 0 - átti líka orðið í vandræðum með að skrifa sms þar sem 0 var dottinn af og því ekkert bil í skilaboðunum hjá mér - allt í langri romsu sem og takkinn sem gerir há- og lágstafi var líka dottinn af. Því var bara eitt að gera .... kaupa jólagjöf fyrir sjálfa mig. Ég fékk mér þennan glæsilegan hvítan NOKIA 6120 síma , ekkert smá flottur.

Nú get ég svarað sms aftur :-)

Annars er bara fínt að frétta af okkur. Ég er komin með vinnu hjá Deliotte og byrja á miðvikudaginn. Er rosa spennt að byrja en er ekki er laust við smá kvíða :-p en þetta verður bara spennandi. Eyþór er ekki enn kominn með neitt sem er kannski bara ágætt að vissu leiti, það verður fínt fyrir hann að pústa aðeins í janúar eftir erfiða törn nú í desember og síðustu mánuði. Stelpurnar eru komnar í jólafrí eftir jólaskemmtun í skólanum á fimmtudaginn þannig vonandi fer maður að hrökkva í jólagírinn. Ég er ekki komin í neitt sérstakt jólaskap ennþá en vonandi kemur það. Ég ætla að skella mér á mánudaginn og þriðjudaginn í búðir og klára jólagjafainnkaupin, nenni ekki að eyða alltof löngum tíma í þetta, fæ einhvernvegin hálfgerða innilokunarkennd í þessu kraðaki og verð bara pirruð.

Ási er hress, búinn að vera MJÖG duglegur að tæta hér heima sem og hjá dagmömmunni :-o en hann er alltaf jafn yndislegur. Hann fór í sína fyrstu klippingu 29. nóvember sl. og fékk þessa fínu herraklippingu.

Perla átti afmæli fyrir rétt rúmri viku og er því orðin 13 ára gömul skvísa - það er alveg með ólíkindum hvað tíminn líður hratt. Ólöf verður svo 10 ára á miðvikudaginn nk.

Bið að heilsa ykkur í bili og ..... best að segja ekki meir, sjáum bara til hversu dugleg ég verð í blogginu :-D það er aldrei að vita ;-p

Myndir

Loksins, loksins nýjar myndir - fullt af nýjum myndum komnar inn.

Ási pjási

Ási átti afmæli um daginn og var 1. árs litli gæinn. Það var voða gaman fengum litla gutta í heimsókn til okkar og þeir gauruðust aðeins. Ási er svo byrjaður hjá dagmömmu og gengur vel núna. Hann er hinsvegar búinn að vera í aðlögun síðan 1. október en er búinn að vera svo lasinn og kvefaður þannig þetta er búið að ganga hálf brösulega. Hann fékk pensillin þar sem hann var með smá í eyrunum og er að verða fullfrískur. Þessi vika gengur líka mjög vel hjá dagmömmunni og honum líkar bara vel núna og er líka orðinn duglegur að smakka matinn sem hann vildi ekki gera áður. Eflaust tengt veikindunum.
Þannig allt í góðum gír þessa dagana. Meira seinna :-)

Útskrift

Jæja þá er loksins komið að því. Mér tókst að klára námið og útskrifast á laugardaginn nk. Svei mér þá ef mér hlakkar bara ekki smá til. Er búin að versla dragt, fara í klippingu, láta framkalla andlitið -hihihi þ.e. fyrir þá sem ekki vita þá er það litun og plokkun og svo á að gera neglurnar fínar á morgun. Held semsagt að ég sé bara alveg að verða tilbúin fyrir útskriftina.

Ég á að vera mætt í síðastalagi kl. 12 upp í Háskólabíó og svo mæta ættingjarnir "2" sem mega koma fyrir kl. 13, athöfnin byrjar svo kl. 13. Ég ætla nú samt að leyfa 3-4 að koma, þ.e. er Eyþór og stelpurnar og svo ætlar Jónki bróðir að koma og taka myndir. Get ekki hugsað mér að skilja aðrahvora stelpuna eftir heima. Mér finnst þær nú búnar að standa þvílíkt við bakið á mér að mér finnst þær hafi nú báðar rétt á því að koma. Nú ef það verður eitthvað vesen að þá situr Ólöf bara hjá pabba sínum. Jónki ætlar nú bara að standa og taka myndir.

Svo er planað að hafa smá gleði um kvöldið, þó ekkert mega partý, frekar svona party light :-)
Hlakka semsagt til að ljúka þessu námi og taka á móti prófskírteininu og fagna svo með vinum og vandamönnum um kvöldið.

Ekki með alveg réttar tölur

Ekki fékk ég lottóvinninginn núna. Var ekki með nema 2 réttar, frekar fúlt. Hefði sko alveg verið til í fá þann stóra núna, kannski bara næst.

Ég er búin í reikningshaldsprófinu og fannst ganga bara ágætlega :D nú er allt á fullu í ritgerðarvinnu og það á að vera búið 13. september þannig þangað til ....

10 mánaða

Jeminn...
Litli drengurinn minn er 10 mánaða í dag :)
Til hamingju með daginn Ási minn.

Kv. mamma

Ekki alveg dauð

Ég er hér enn og á lífi. Ég er í algjörri blogglægð núna.
Nú er ég á fullu að læra fyrir SÍÐASTA prófið mitt sem er 21. ágúst og vinna í BS ritgerðinni minni sem á að skilast 13. september. Ég er því frjáls eftir 13. september og get farið að njóta lífsins :)
Skrifa meira seinna og set inn fleiri myndir við tækifæri.

Myndir og spjall

Hæ!

Ég er búin að setja inn nýjar myndir af drengnum ;)
Var líka að prufa að búa til spjallþráð, set inn link hér til hliðar og endilega prufiði - langar að sjá hvernig þetta virkar og hvort þetta er eitthvað sniðugt, hihi.
Frekari fréttir síðar ég þarf að fara að vinna í ritgerðinni minni, villist alltaf af leið þegar ég fer í þessa blessuðu tölvu.

P.S. ég náði prófinu jibbíi

Hvítasunnuhelgin

Hvítasunnuhelgin liðin og við búin að fara í okkar fyrstu útilegu á árinu. Við fengum lánað fellihýsi sem er algjör lúxus, tala nú ekki um að vera með hita yfir nóttina eða þurfa ekki að vakna með rassinn klesstan við jörðina vegna þess að loftið er farið úr vindsænginni - yndislegt. Við fórum með Óskabörnunum í Þykkvabæ og fengum bara fínt veður a.m.k. yfir daginn en það var heldur kalt yfir nóttina. Ási var hinn þægasti og sofnaði eins og heima hjá sér um kl. 9 og svaf til að verða 7. Hann hafði rosalega gaman af því að sitja í grasinu og slíta það upp. Hann sat nú reyndar ekkert lengi kyrr þar sem hann er farinn að skríða og finnst mjög gaman að kanna heiminn þessa dagana.
Ég held að það sé málið að fá sér fellihýsi þegar við ákveðum að fara í að túrast um Ísland sem verður kannski eftir svona 2 ár, allaveganna verður það ekki þetta sumarið þar sem við ætlum að taka garðinn í gegn og gera hann fínan.

Eins og ég nefndi hér áðan þá er litli kúturinn farinn að skríða og í gær þá komst hann í matardallinn hann Skugga og vatnsdallinn og fannst ekkert lítið gaman hihi. Svo er hann farinn að kanna íbúðina og skríður út um allt - ferlega gaman að fylgjast með honum núna, eina stundina er hann hjá manni svo þá næstu er hann kominn í hinn endan á íbúðinni.

Ég hef enn ekkert fengið að vita úr prófinu þannig ég bara bíð ennþá. Ég er pínu nervus er engan vegin örugg um að ná þessu en vona samt það besta. Ég er alltaf að reyna að byrja undirbúningnum fyrir ritgerðina en gengur eitthvað ósköp hægt - ætlaði að vera rosa duglega meðan stelpurnar væri enn í skólanum en það hefur ekki alveg gengið eftir. Þær klára í næstu viku og eru þá komnar í sumarfrí. Perla er núna í prófum sem klárast á morgun og Ólöf var alla síðustu viku í prófum. Skólaslit hjá þeim eru svo á fimmtudaginn.

Gott veður

Sagði ég ekki!! Gott veður og ég verð að hanga inni og læra, týpiskt. Ég vona að þeir sem þurfa ekki að hanga yfir bókunum fari nú og njóti sólarinnar, ég myndi a.m.k. gera það ef ég mætti ;)
Annars er fínt að frétta, ég er búin í prófinu á þriðjudaginn og þá get ég farið að gera allt það sem mig langar að gera núna. Ási er orðinn hress og hættur með nefrennsli og pirring. Hann fékk banana áðan og það gekk mun betur heldur en í fyrsta skiptið en þá hryllti hann sig alveg heil ósköp, fannst þetta bara vont en núna var þetta allt í lagi :D

Hlakka til að fylgjast með Eurovision á fimmtudaginn, vona bara að við komumst áfram, það er ólíkt skemmtilegra að horfa á aðalkeppnina þegar við erum með.
.... en nú verð ég að hætta.

ps. þið megið alveg endilega kvitta í gestabókina eða kommenta, mig langar svo að vita hvort einhver er að lesa bloggið mitt ;)

Bæ í bili
kv. Inga María

Allt getur gerst!!!

Undur og stórmerkilegir hlutir gerast enn, hihi - Eyþór vaknaði kl. 6 í morgun og skellti sér í leikfimi - þrefallt húrra fyrir honum ;-) Hann þurfti bara smá hvatningu til að byrja á þessu - allir verslunarstjórarnir í Europris ætla nú að fara að æfa saman 4 sinnum í viku sem er bara gott mál.

Ási litli er enn kvefaður og var mjög pirraður í gær, virðist samt vera pínu hressilegri það sem komið er af deginum í dag, vona bara að svo verði.

Kvef, pirringur og próflestur

Hér sit ég við tölvuna og er að reyna að læra fyrir próf en get ekki sagt að ég komist yfir mikið í einu. Ásbjörn Freyr er kvefaður og er svona rétt aðeins pirraður á því. Hann liggur í rúminu sínu núna pakksaddur og með þurra bleyju þannig að ég er að vonast til að hann sofni von bráðar. Ég er farin að fá nettan hnút í magann - búin að hafa góðan tíma til að læra fyrir þetta próf en hef ekki komist yfir nema brot af því sem ég á að læra. Ég hef þó annað tækifæri í haust ef þetta klikkar allt en að sjálfsögðu reyni ég að gera mitt besta.

Annars er fínt að frétta, ég skellti mér í leikfimi um daginn sem er alveg meiriháttar skemmtilegt - fór í Hreyfiland þar sem börnin eru með manni í tímanum. Var búin að vera á leiðinni í leikfimi síðan í mars en nennið hefur ekki alveg verið til staðar. Eyþór er búinn að vera að tónleikast aðeins, fara á Hellu og Sauðárkrók og svo í Smáralindinni í gær 1. maí þegar hópreið Sniglanna kom þangað. Skilst að það hafi verið a.m.k. 670 hjól sem lögðu af stað frá Perlunni - ekkert smá hópur það. Perla er búin að vera að syngja með kórnum í leikritinu Ást í Borgarleikhúsinu í nokkur skipti og í tilefni af því þá er þeim boðið að sjá Gretti á laugardaginn nk. - ekki leiðinlegt það. Perla hefur undanfarna morgna vaknað snemma og farið með Skugga út á skólalóð til að leyfa honum að hlaupa - dugnaðar stelpa. Ólöf er bara búin að vera dugleg að leika sér úti og inni :) og hjálpa mér með Ása - hún gaf honum t.d. graut að borða í gær og það gekk svona ljómandi vel hjá henni.

Ég fer síðan í próf á þriðjudaginn og ég krossa bara fingur og vona að þetta gangi upp, er eiginlega ekki að nenna að lesa fyrir 2 fög í sumar - þarf að taka eitt próf í haust sem er eiginlega bara alveg nóg að mínu mati. Þannig best að hætta þessu babli og fara að læra ;-)

Tónleikar á Hressó í kvöld

Hér er allt í fullum gír. Útgáfutónleikar hjá Eyþóri í kvöld á Hressó kl. 22. Ég ætla að skella mér og draga saumaklúbbinn minn með - held samt að þær komi nú alveg sjálfviljugar, hihi. Hlakka til að heyra í þeim :)

Nú er komið að próflestri hjá mér en ég fer í próf 8. maí þannig ef ég held vel á spöðunum og Ási litli verður stilltur þá ætti þetta að hafast - bara verður. Svo er þetta nú alveg að verða búið hjá mér. Ætla að gera ritgerðina í sumar, byrja strax eftir prófið svo ég þurfi nú ekki að eyða öllu sumrinu í hana og svo er eitt haustpróf í ágúst. Ef þetta gengur eftir að þá mun ég útskrifast í október jibbíí, get varla beðið.

Ásbjörn Freyr er rosalega duglegur þessa dagana að flakka um stofuna enda farinn að velta sér út um allt. Ekki verður langt að bíða þar til drengurinn fer að skríða en hann fór upp á hnén fyrir 2 dögum síðan og ruggaði sér aðeins, bara spurning um að vera duglegur að æfa sig ;) Hann er svo farinn að fatta göngugrindina, er aðeins farinn að mjaka sér áfram í henni enda margt að skoða og koma við ;) Var að setja nýjar myndir inn á barnlandssíðuna hans.

Það var mynd af Perlu í mánudagsmogganum sl. (23.04.2007). Barnavinafélagið Sumargjöf var að veita styrki og fékk Skólakór Kársnesskóla styrk til útgáfu geisladisks undir stjórn Þórunnar Björnsdóttur eða Tótu eins og svo margir þekkja hana undir og var Perla og bekkjarbróðir hennar beðin um að taka við styrknum ;)

Gleðilegt sumar

Jæja nú er sumarið komið og við eigum von á góðu sumari þar sem sumar og vetur fraus saman. Við skulum allaveganna vona það þar sem síðasta sumar var mikið rigningarsumar. Við eigum það nú skilið að sleppa við annað svona rigningarsumar.

Hafið það gott í dag við ætlum að gera það :o)

Eldur í miðbænum

Allt í báli í miðbænum. Þetta er alveg hræðilegt að horfa á þetta. Er búin að vera að fylgjast með beinni útsendingu á RUV. Slökkvuliðsmennirnir eru algjörar hetjur, þetta er ekkert smá erfiðar aðstæður. Það lítur út fyrir að það verði að rífa niður húsið þar sem veitingahúsið Pravda er.

Tannsi

Í dag var farin hópferð til tannlæknis, ég, Perla, Ólöf og Ási þó svo að sá síðarnefndi sé vita tannlaus. Það var ekki laust við að smá kvíði væri í mér, enda er ég haldin smá tannlæknafóbiu. Þar sem ég sat og beið eftir að stelpurnar væru búnar fékk ég hausverk sem ég tengi algjörlega stressi og kvíða fyrir að fara til tannlæknis. Annars gekk þetta stórslysalaust fyrir sig og amman kom líka á tannlæknastofuna til að passa litla gaur á meðan mamman skaust inn til tannsa. Við þurfum þó að kíkja aftur til tannsa vegna pínu viðgerða sem þarf að gera. Segi nú bara "Mikið dj#%$# er dýrt að fara til tannlæknis.

Mánudagur og helgin búin

Nú sit ég og rembist við að gera verkefni sem við eigum að skila 29. mars. Ég neita því ekki að stundum langar mig virkilega bara að fresta náminu og njóta þess að vera heima með Ásbirni Frey en svo er það að það er svo lítið eftir að ég yrði frekar fúl út í mig ef ég sæti svo næsta vor við skrifborðið og vinna verkefni sem ég hefði geta gert síðasta vor (þ.e. núna), það er eiginlega það sem heldur mér gangandi við þetta skólastúss.

Eyþór er búinn að vera að taka upp plötu með hljómsveitinni sinni "Stormur í aðsigi" og var að tónleikast þessa helgina. Annars er hann svo lítið við að þið verðið eiginlega bara að hringja í hann og vita hvað er að frétta af honum, hihi.

Ása Frey tókst að velta sér í fyrsta skiptið á fimmtudaginn 15.03.2007 (á afmælisdegi Skugga) og mamman er ekkert smá stolt af drengnum. Hann fór svo í 5 mánaða skoðun á þriðjudaginn sl. og vó hvorki meira né minna en 9,125 kg og var orðinn 66 cm langur. Vaxtakúrfan hans er búin að vera nánast beint upp í loftið en var aðeins farin að halla núna sem er í góðu lagi. Hjúkkan er rosalega ánægð með drenginn enda dafnar hann mjög vel. Ég er svo einnig að reyna að halda dagbók fyrir Ásbjörn Frey á barnalandi fyrir þá sem vilja fylgjast með drengnum nánar ;-)

Stelpurnar eru alltaf jafn yndislegar og góðar. Passa fyrir mömmu þegar á þarf að halda. Nóg er að gera í skólanum hjá þeim og í þessari viku og næstu þá eru kennaranemar hjá þeim og það á örugglega eftir að vera mjög skemmtilegt - smá tilbreyting frá allri þessari rútínu.

Skuggi varð 2ja ára 15. mars og í því tilefni var Ösku vinkonu hans boðið í heimsókn ásamt fjölskyldu. Sá var ekkert smá glaður að fá hana Ösku í heimsókn til sín :)

Febrúar bara að verða búinn!

Við erum hér enn.

Bloggletin er alveg að fara með mig, þið verðið bara að þola það, þetta kemur stundum fyrir :)

Ég setti inn nýjar myndir í albúmið af drengnum um daginn

.

Ég er að reyna að læra þessa stundina en gengur eitthvað erfiðlega, stelpurnar eru að taka til inni í herbergjunum hjá sér, Eyþór eitthvað að dúllast úti í bílskúr og Ási litli sefur enn í vagninum sínum. Hann er búinn að sofa síðan rúmlega eitt þannig þetta er góður lúr hjá drengnum þannig ég verð að reyna að nýta tímann í eitthvað gagnlegt á meðan (eins og að blogga smá, hihihi).

Það nýjasta er að frétta af Perlu er að hún fékk sér tvo sæta kanínuunga eftir mikið tuð í foreldrum sínum. Pabbi hennar gaf leyfi ef hún gæti fengið þá frítt og daman er því búin að liggja inn á dýraspjallinu og redda sér fríum kanínuungum. En þeir eru nú voða sætir og þeir eru bræður.

Ási dafnar aldeilis vel, hann er aðeins farinn að smakka graut en ekki mikið. Ég skellti honum á tölvuvigt um daginn og þó svo að sú vigtun hafi kannski ekki verið alveg akkúrat, þar sem hann getur ekki alveg setið óstuddur ennþá, en þá mældist drengurinn 8,7 kg. NB! hann var 7,4 kg í 3ja mánaða skoðununni. Held að hann sé að sprengja vaxtakúrfuna sína. Ég er a.m.k. mjög spennt að sjá hvað hann er orðinn í 5 mánaða skoðuninni sem er 16. mars ef ég man rétt.

Eitt enn....

Til hamingju með 7 ára afmælið Álfheiður í dag.

Blogger klúður

Hæ
Var að uppfæra bloggerinn hjá mér og er að prufa hann. Ég er samt ótrúla fúl því nú get ég ekki lengur bloggað á síðu saumaklúbbsins míns, a.m.k. ekki eins og er en er að skoða málið. Þetta er algjör tímaþjófur að vera að stúdera þetta og ég er bara að verða pirruð á þessu. Reyni kannski aftur um helgina því nú verð ég að nýta tímann til að læra en ekki leika mér í tölvunni og klúðra öllu. Kannski ég fari bara að sofa. Góða nótt