Gleðileg jól

Gleðileg jól allir saman og takk fyrir kortin.
Við erum búin að hafa það rosalega fínt. Búin að vera í algjörri afslöppun sem við virkilega þörfnuðumst.
Jólakveðja,
fjölskyldan Holtagerði

Ólöf á afmæli

Hún á afmæli í dag
hún á afmæli í dag
hún á afmæli hún Ólöf
hún á afmlæli í dag

Hún er átta ára í dag
hún er átta ára í dag
hún er átta ára hún Ólöf
hún er átta ára í dag

Perla á afmæli :)

Hún á afmæli í dag
hún á afmæli í dag
hún á afmæli hún Perla
hún á afmæli í dag

Hún er 11 ára í dag
hún er 11 ára í dag
hún er 11 ára hún Perla
hún er 11 ára í dag

Veeeeiiiiiiii

Hamingju óskir frá mömmu, pabba, Ólöfu Maríu, Skugga, Kalla, Trítil og Stúart (ekkert smá fjölskylda : D )

Erum enn á lífi

Það mætti halda að við hefðum horfið af yfirborði jarðar, ekkert hefur heyrst frá okkur mjög lengi. Það er búið að vera rosa vinnutörn hjá Eyþór vegna manneklu og ekki skánar nú ástandið þegar jólatraffíkin er að byrja. Ég er komin í próflestrarfrí með tilheyrandi afmælisveislum inn á milli því eins og sumir vita þá eiga báðar dömurnar afmæli í desember :) 7. og 19. des. Þar sem ég verð á fullu í prófum þegar Perla Ósk á afmæli þá fékk hún að halda upp á bekkjarafmælin sín í gær. NB! afmælin!!! Hún bauð nýja bekknum kl. 3 og gamla bekknum kl. 6.30. Þetta var heljarinnar fjör með tilheyrandi látum. Húsmóðirin gerði mest lítið annað en að baka pizzur þann daginn og voru allir mjög sáttir við þær enda listapizzugerðamaður hér á ferð ;D ekki satt?
Á morgun verður svo fjölskylduafmælið stóra (fyrir báðar dömurnar), það verður væntanlega aðeins rólegra heldur en bekkjarafmælin, geri a.m.k. ráð fyrir því enda ætti fullorðnafólkið að vera vaxið upp úr þessu flissi og skríkjum :) Ætli Ólöf María fái svo ekki að halda upp á sitt bekkjarafmæli þegar prófin eru búin hjá mér eða eftir 20. des en það ætti að vera í lagi því hún á jú afmæli 19. des.
Ég ætla nú að reyna að smella af nokkrum myndum á morgun og henda inn á netið svona svo fólk geti nú séð hvernig við lítum út.

Afmæliskveðja

Hann á afmæli í dag
Hann á afmæli í dag
Hann á afmæli hann Eyþór
Hann á afmæli í dag

Veiiiiiii

Afmæliskveðja frá fjölskyldunni

Jahú

Hæ!
Ég er búin að vera rosa dugleg og kláraði skilaverkefni í upplýsingatækni í dag en hinsvegar hefði ég alveg getað verið búin með það fyrir löngu en ég er bara eins og ég er, geri allt rétt áður en á að skila. Ég á semsagt að skila því á morgun. Ég er búin að sitja yfir tölvunni í nánast þrjá daga og ég held að ég verði að suða um axlanudd ;-) ég er gjörsamlega að drepast í öxlunum og niður í bak. Hef nú ekki mikið að segja en stelpurnar eru mjög óhressar með hvað foreldrarnir eru önnum kafnir :( þess dagana og ekki er það nú gott, verðum eitthvað að reyna að leysa úr því máli.
Jú ein stór frétt!!! Það snjóaði í dag og það var hrikalegt veður í dag. Ég labbaði með Skugga út í bókabúð í Hamraborg og ég helt ég yrði úti þegar ég var að labba þangað en Skugga fannst þetta rosalega gaman. Hann var rosalega hissa í morgun þegar hann kom út og allt hvítt, hann þefaði út um allt, lá við að hann gleymdi að pissa!!! svo mikill var ákafinn að ÞEFA af snjónum :)
Heyrumst síðar, bæjó.

Boemerang

Þið verðið að kíkja á þetta, þetta er bæði það fyndnasta sem ég hef séð í langan tíma og vandræðalegasta!

Þetta er myndbrot úr "hvar eru þeir núna" þætti, svona belgískur Sirrý/Oprah þáttur. Þáttastjórnandinn er að taka viðtal við mann sem hefur verið lagður í einelti frá því hann var lítill og flestir í salnum hafa við sama vandamál að stríða. Þáttastjórnandinn var rekinn eftir þáttinn því hann þótti ekki taka málefnið mjög alvarlega!!!

Það er ekki hægt annað en að hlæja :) ég veinaði úr hlátri þegar ég horfði á þetta.

Klár hundur?

Í gær þá setti ég Skugga út í band sem er svosem ekki frásögu færandi nema það að hann eins og oft áður reynir að opna hurðina. Ég hafði hinsvegar læst henni þannig hann komst ekki inn. Hinsvegar smátíma eftir tilraunirnar til að opna útihurðina þá var dinglað. Ég fer til dyra og enginn annar en Skuggi stendur fyrir utan!!!! Er hann orðin svona klár að geta dinglað þegar hurðin er læst eða ætli einhver hafi legið í hláturskasti bak runna yfir svipnum á mér, hihihi Ég var mjög hissa og gat ekki annað sagt en "varst þú að dingla Skuggi minn" "Komdu þá inn vinurinn"

Stoltir hundaeigendur í Holtagerði

Við vorum að fá einkunnir frá hundanámskeiðinu. Það þarf nefnilega að taka próf í hundaskólanum :) ekki það að það sé neitt lítið að gera hjá mér.
Skuggi stóð sig með sóma hann fékk 8,5 í verklega hlutanum og námsmaðurinn mikli, þ.e. ég fékk 10 í skriflega prófinu. Við náðum semsagt með glæsibrag öllum prófunum í hundanámskeiðinu :O) Fjölskyldan er alveg í skýjunum yfir þessum árangri, :)o

Klukk

Ég var klukkuð af Auði og átti semsagt að skrifa fimm staðreyndir um sjálfa mig.

Here it comes ......

1. Ég fór á tvenna tónleika í sumar, U2 og Duran Duran og er rosalega ánægð með að hafa drifið mig :)
2. Ég er algjör bruðlari, er algjör snillingur að eyða í ekki neitt!
3. Ég hlakka alltaf til húsmæðraorlofsins með saumó því ég elska að borða, drekka, slappa af í góðra vina hópi :)
4. Ég fékk hestadellu þegar ég var smápæja og hef hana ennþá. Ég á þó ekki hest en ætla að bæta úr því eftir nokkur ár því þá er stefnt á að kaupa hest :)
5. Ég er með algjöra kóngulóafóbíu, finnst þær ógeðslegar.

... en nú má ég klukka einhverja bloggara og ætla að klukka Eyfa og Viktoríu.

Arrgh

Stundum finnst mér tæknin ekki skemmtileg. Ég var búin að skrifa einhverja romsu af sjálfsvorkun um mig því ég lá í bælinu í gær og hinn að drepast í höfðinu og með ógleði en þegar ég ætla að kíkja á bloggið til að sjá hvort það hafi ekki skilað sér....Nei bara fyrirsögnin þannig ég eyddi henni bara. Óþolandi. Ég hef ekki tíma til að bulla mikið meira því ég þarf að fara að taka mig til, er nefnilega að fara í brúðkaup kl. 18 hjá Einari og Ingu.


Innilega til hamingju með afmælið í gær Óli. Sá það að á síðunni hans Eyfa.

Hér erum við :)

HÆ. Við erum enn á lífi. Veit ekki alveg hvað varð um júlí og ágúst bloggið !!! en hér erum við aftur. Ég setti inn nokkrar myndir fyrir Eyþór á síðuna okkar frá Landmannalaugaferðinni um síðustu mánaðamót. Ég hinsvegar kann ekki að setja inn videoclips á síðuna ef einhver kann það þá endilega deila þeim upplýsingum með mér.

Sumarið hjá okkur var rosaleg fínt og toppurinn var þegar ég og Eyþór skelltum okkur til Þýskalands á U2 tónleika ;) ekki slæmt það. Við fengum að gista hjá Eyfa bróður hans og Kristinu, takk fyrir okkur. Einnig fórum við til Danmerkur og hittum Ágúst og Svanhildi og börn, pabba hans Eyþór og fullt af frændfólki hans sem einnig var að fara á U2 tónleika en bara í Danmörku. Við gistum hjá Ágústi og frú í tvær nætur, takk fyrir okkur svo splæstum svo á okkur hótelherbergi síðustu nóttina. Þessi ferð var alveg meiriháttar og þó þetta væri bara vika þá gerðum við svo margt að það var eins og þetta hefðu verið tvær vikur.

Til hamingju með afmæli í dag Ásbjörn :) og takk fyrir síðast.

Ég ætla fljótlega að fara að vinna í því að setja inn myndir frá ferðinni og nýjar myndir af Skugga. Skuggi er búinn að stækka rosalega mikið og hann er rosalega góður. Hann er búinn að vera í hlýðniskóla og taka verklegt próf, svo fer ég í skriflegt próf á mánudaginn og þá fáum við að vita hvernig honum gekk í verklega prófinu. Maður fær svona einkunnaspjald eins og í alvöru skóla :)

Nóg er að gera hjá mér í skólanum enda er ég í 6 fögum eða 18 einingum þannig ég verða að reyna að slóra ekki mjög mikið en smá slór er nú í lagi til að blogga eitthvað aðeins, ekki satt.
bæ í bili og við reynum að vera duglegri að skrifa. Þar að láta Eyþór gera meira af því og kannski láta stelpurnar pikka eina og eina línu frá sér einnig.

Mál til komið að maður láti heyra í sér. Það er eitthvað svo mikið að gera hjá okkur að við höfum bara gleymt að skrifa í dagbókina okkar. Eyþór er nú kominn í 2ja vikna sumarfrí og við erum að fara á morgun í veiðiferð með vinum hans og mökum. Við konurnar ætlum nú bara að hafa það huggulegt og láta karlmennina um að veiða. Þetta verður vonandi ágætis húsmæðraorlof :) Stelpurnar fóru áðan í sveitina til ömmu sinnar ásamt Dagbjarti, Álfheiði og Ágústi. Ágúst var ekkert smá duglegur hjá okkur í gær og setti saman allar skápana í nýju eldhúsinnréttingunni. Eyþór er búinn að vera að sparsla og pússa og gera allt rykugt hérna heim :( ég er ekkert rosalega ánægð með það en ég verð víst að þola þetta þar til framkvæmdir og slíkt er yfirstaðið. Planir er að setja upp nýju eldhúsinnréttinguna okkar í júní meðan Ágúst er hér á landinu og ég hlakka svo til ég er komin með svo mikið leið á þessar innréttingu sem er núna - mér finnst eldhúsdótið mitt ekki komast fyrir.
Mér gengur ágætlega í vinnunni minni en maður er nú hálfdasaður að vera úti allan daginn en það er samt mjög fínt.

Skuggi úti í garði 

Skuggi

Við höfum ákveðið að nefna hundinn okkar Skugga í staðinn fyrir Kol. Er að setja inn myndir af honum.

Fjölskyldan stækkar

Það er heldur betur verið að stækka fjölskylduna :)
Í síðustu viku komu til okkar tveir sætir hamstrar og á föstudaginn þá flutti til okkar lítill svartur ferfætlingur sem segir voff, voff .......... við erum semsagt búin að fá okkur hvolp, labrador. Hann er algjör dúlla, set inn myndir síðar. Hann er að verða 7 vikna næsta þriðjudag þannig þetta er eins og að vera með ungabarn, vakna á nóttunni og sinna krílinu en það er í góðu lagi :)

Við höfum alltaf ætlað að fá okkur hund. Við fórum á föstudaginn og skoðuðum krílið og það var ekki aftur snúið, hann kom með okkur heim. Hann er kallaður Kolur þar sem hann er kolsvartur og það var það fyrsta sem okkur datt í hug, reyndum þó að finna eitthvert annað nafn en Kolur stóð alltaf upp úr. Látum heyra frá okkur meira síðar hvernig gengur.

Sumarvinna

Mín var að fá sumarvinnu í dag :) Ég ætla að vinna sem garðstjóri í skólagörðum Kópavogs í sumar. Fínt að fá að vera að vinna úti eitt sumar, ég hef alltaf verið að vinna inni á sumrin. Ég held að þetta sumar eigi eftir að vera rosalega skemmtilegt :) Mikið rosalega hlakka ég til. Stelpurnar skella sér bara í skólagarðana í sumar þannig við getum verið saman í allt sumar - gaman gaman.

Þá byrjar ballið

Þá er komið að því - fyrsta prófið hjá mér er á morgun frá kl. 9-13. Sendið mér nú jákvæða strauma í fyrramálið - takk elskurnar.

Gleðilegt sumar
Við ætlum að njóta sumarsins og vonumst til að það verði eins gott og í fyrra. Biðjum að heilsa öllum nær og fjær og vonum að þið eigið góðan dag.

Kær kveðja frá Holtagerðisbúum 26


Ólöf álfur í góða veðrinu síðastliðið sumar :-)

Perla og Þorgerður á innanfélagsmóti Gerplu á laugardaginn sl.

Í gær var síðasti kennsludagurinn í skólanum hjá mér þannig ég er komin í upplestrarfrí. Í tilefni þess á að fá sér aðeins í glas í kvöld. Okkur er boðið í matarboð hjá Lýð og Hjördísi í kvöld og þar verða allir veiðifélagar Eyþórs ásamt mökum. Ég hlakka mikið til enda hef ég ekki hitt mannskapinn í mjög langan tíma. Mikið stuð og mikið gaman í kvöld :)

Það helsta sem stendur upp úr í vikunni er að við fengum afsalið af Holtagerði og það er búið að koma nýja baðkarinu fyrir og tengja þannig að nú verður hægt að fara að þrífa sig, kominn tími til enda lekur af okkur skíturinn....... nei djók, við erum búin að vera dugleg að skella okkur í sund þannig þetta er ekki alveg svo slæmt.

Á eftir er Perla að keppa í innanfélagsmóti í Gerplu og ætlum ég og Ólöf að fara á eftir að fylgjast með henni. Eyþór er víst að vinna í allan dag þannig hann missir af því.

Júróvísion

Eruð þið búin að heyra framlag okkar í júróvisíon keppnina. .
Það er ekki laust við það að maður komist í smá júróvisíon fíling.

Er að fríka út !!!!!

Ég er bara að verða biluð á þessari verkefnavinnu. Það er eins og þetta ætli engan endi að taka. Er að vinna í einu sem ég á að skila á morgun og ég hlakka ekkert smá til þegar það er búið. Svo tekur næsta við - próf á laugardaginn - í stærðfræði Jibbí (eða þannig) . Mikið rosalega hlakka ég til þegar þessi önn er búin, can´t wait.

Gleðilega páska

Hæ hæ.
Allt fínt að frétta. Á morgun er páskadagur og allir bíða spenntir eftir að fá páskaeggin sín. Venjan á okkar heimili er að fela páskaeggin og búa til einhverja vísbendingu. Þetta finnst stelpunum okkar alveg rosalega skemmtilegt.

Ég get varla sagt að ég sé í páskafríi, ekki nema þrjú verkefni sem ég er að streða við. Ég á mjög bágt með að halda einbeitingunni að þeim en ég verð víst það þarf að skila þessu á nk. miðvikudag og fimmtudag. Ég er alveg stórhneyksluð á að það skuli vera að setja skiladag á verkefni strax eftir páska það þýðir bara eitt - ekkert páskafrí. Ég er allaveganna ekki að njóta þess að vera í "fríi". Ég vona hinsvegar að aðrir njóti þess og ég get bara hlakkað til þess þegar ég verð búin með skólann þá ætla ég sko að njóta þess :)

Stelpurnar eru komnar með heimasíða á www.folk.is, sjá slóð hér til hliðar. Endilega kíkið og skrifið í gestabókina þeirra þær verða ekkert lítið ánægðar með það.

Í gær kom Bjögvin með sína fjölskyldu og við borðuðum saman ásamt Arnari og hans fjölskyldu og áttum góða stund saman. Mér fannst rosalega gaman að hitta þau og krakkana, litli guttinn var ekkert smá krútt. Í kvöld förum við til mömmu í mat og á morgun er stefnan sett í Selvoginn.

Við óskum ykkur öllum gleðilegra páska.

Við reynum að vera duglegri að skrifa en það er eins og það er mikið að gera og svosem ekkert nýtt að frétta en alltaf gott að láta heyra eitthvað frá sér.

Jæja það er bara kominn mars, mér finnst tíminn hafa liðið ótrúlega hratt, ég segi ekki annað. Við erum búin að koma okkur þokkalega fyrir en þó er margt eftir, enda búið að vera brjálað að gera bæði í skólanum hjá mér og í vinnunni hjá Eyþóri en þetta hefst allt á endanum.
Þessa vikuna er búið að vera óvenjulega mikið að gera í skólanum, bara að skila 5 verkefnum í vikunni. Vikan er hálfnuð og ég hlakka mikið til þegar þessi vika er búin.
Perla liggur núna lasin heima, þó ekki alvarlega, er með snert af flensu held ég og henni leiðist ekkert smá.
Ég ætla að reyna að setja inn myndir af húsinu okkar um helgina, allaveganna ekki fyrr. Ég þarf bara að finna snúruna fyrir myndavélina, er alltaf á leiðinni - vona að það verði af því núna c")

Flutt í Holtagerði

Við erum flutt og okkur líður rosalega vel í nýju íbúðinni. Við fluttum laugardaginn 29. janúar og fengum góða hjálp þannig að þetta gekk rosalega vel. Við fórum svo á sunnudeginum og þrifum allt hátt og lágt einnig með góðri hjálp. Takk allir fyrir hjálpina. Við erum enn að koma okkur fyrir í Holtagerðinu og það á eftir að taka smá tíma enda nær maður ekki að gera mikið nema aðeins á kvöldin og svo um helgar vegna mikilla anna en það kemur á endanum, ég hef allaveganna ekki miklar áhyggjur af því. Hlakka þó rosalega til þegar hver hlutur er kominn á sinn stað :)

Stelpurnar byrjuðu í nýjum skóla 1. febrúar og mér finnst það hafa gengið alveg ótrúlega vel. Ólöf er búin að vera að leika við bekkjarsystur sínar alla daga síðan en Perla er aðeins rólegri í þessu en gengur samt ágætlega. Eflaust er þetta erfiðara þegar maður er orðinn 10 ára og á sínar bestu vinkonur í gamla skólanum en ég hef ekki svo miklar áhyggjur af henni, held hún eigi eftir að spjara sig ágætlega.

Frábært að Ágúst og Svanhildur skulu vera komin með bloggsíðu. Það verður gaman að fylgjast með ykkur.

Fjölskyldumynd á brúðkaupsdaginn

Allt fínt að frétta, bara mikið að gera c",)

Jæja nú fer að styttast í flutninga. Við stefnum á að flytja á laugardaginn ef allt gengur upp, annars verður það þá bara á sunnudaginn. "Við" (aðallega Eyþór) erum búin að brjóta niður einn vegg, búa til gat fyrir hurð og rífa niður timburvegg. Nú er hann og Auðunn að setja upp timburvegginn þannig að Ólöf fái herbergi. Herbergin eru nánast til, búið að mála og parketleggja - vantar reyndar að setja listana en við fáum þá líklega á föstudaginn.

Perla er í prófum þessa dagana og gengur svona ljómandi vel, hún var að fá úr enskuprófinu og hún fékk 9,6 - ekkert smá stolt mamma :) Ég hinsvegar gafst upp á hagfræðinni og skipti yfir á viðskiptafræði með áherslu á fjármál, mér líður strax betur. Meirihlutinn af þeim grunnfögum sem ég var í eru þau sömu í báðum skorunum þannig að ég er ekkert svo langt á eftir. Ef vel gengur og ég verð í fullu námi þá tek ég þetta á 3 1/2 ári þannig að það munar nú ekki svo miklu.

Kærar þakkir fyrir góðar kveðjur allir saman.

Nú styttist í flutninga, við fengum bílskúrinn á laugardaginn og allt stefnir í það að við fáum íbúðina afhenta í þessari viku, gaman gaman. Þannig að hugsanlega flytjum við ekki næstu helgi heldur þar næstu, sjáum hvernig gengur með breytingar og slíkt.
Ólöf María veiktist á laugardaginn og er enn veik en í dag er hún miklu hressari heldur en í gær. Var með yfir 39°C hita í gær en 36°C hita í dag, skrítið hvernig hitinn rokkar upp og niður, vona að hitinn rjúki ekki upp aftur. Í gær lá hún bara í móki en í dag situr hún við tölvuna og er hin hressasta. Hún verður samt heima einn dag í viðbót og svo sjáum við til ef allt er í góðu en best að vera ekki með neinn æsing að senda hana í skólann þessi flensa er svo fjári lúmsk.
Nú fer jólafríinu mínu senn að ljúka og byrja í skólanum aftur á morgun, oohh þarf því að koma mér snemma á lappir. Ég er svo mikill letipúki að ég gæti alveg hugsað mér nokkra daga í viðbót í fríi.