Gleðileg jól

Gleðileg jól.
Með von um að þú/þið eigir/eigið góða og hamingjusama daga um jólin.

Jólakveðja,
Inga María, Eyþór, Perla Ósk og Ólöf María

Myndir

Það eru komnar inn nýjar myndir á síðuna og ég er einnig búin að bæta við myndum síðan í sumar :)

Jæja nú er ég hálfnuð með prófin, 2 búin og 2 eftir. Mér gekk ágætlega í prófinu í gær en hörmulega í fyrsta prófinu. Nú er ég að reyna að lesa fyrir þjóðhagfræðiprófið sem er næsta próf. Mér finnst það alveg merkilegt hvað maður verður syfjaður þegar maður er að lesa fyrir próf en ekki þegar maður er að lesa einhverja aðra bók, skrítið. Ég er t.d. alveg að drepast úr syfju núna og klukkan er bara 4, ótrúlegt. Ég ætla að reyna að vera dugleg í svona hálftíma í viðbót en þá byrjar föstudagsskutlið, keyra og sækja Ólöfu og Perlu í fimleika en annars er Perla orðin svo duglega að labba þetta sjálf, ég sæki hana þó oftast því hún er ekki búin fyrr en að verða 8 og þá förum við yfirleitt til mömmu að horfa á Idol stjörnuleit, geggjað stuð :)

Perla 10 ára, bekkjarafmælisveisla

Perla 10 ára, bekkjarafmælisveisla

Afmæliskveðja

Nú er Perla Ósk orðin 10 ára. Það er alveg ótrúlegt hvað tíminn hefur flogið - 10 ár, getur það virkilega verið?

Innilega til hamingju með 10 ára afmælið Perla Ósk.
Knús og kossar frá mömmu, pabba og Ólöfu Maríu.

Nú er próftímabilið að hefjast, fyrsta prófið á mánudaginn. Ég veit ekki hvernig mér á eftir að ganga í því enda erfiðasta prófið að mínu mati og mér finnst ég ekki kunna nóg í þessu til að ná prófinu en ég má þó ekki gefast upp FYRIR prófið, ég reyni og geri mitt besta ef það er ekki nóg þá verður bara að hafa það og þá verður bara tilraun tvö næsta haust.
Ég hlakka rosalega mikið til að komast í jólafrí og ætla líka að njóta þess þó svo að við reynum að nota tímann til að pakka dótinu okkar fyrir flutningana. Ég tek síðasta prófið 18. des. jibbí. Verð að halda áfram að læra eða eitthvað..... Bæ í bili.

Tölum saman

Hæ
Ég var að setja inn tengil þar sem hægt er að downloada forriti svo hægt sé að tala saman á netinu - FRÍTT, ekki skrifa heldur tala. Það eina sem maður þarf að eiga er headset með mic. Forritið er frítt og eini kostnaðurinn er sá að vera tengdur netinu, ekkert annað.

Ef þið hlaðið niður forritinu þá getið þið fundið okkur með því að fara inn í Tools - Search for skype users..... svo sláið þið bara inn notendanafnið okkar í Look for ..... Gæti ekki verið auðveldara.

Helgin

Við skelltum okkur með saumaklúbbinum mínum á jólahlaðborð á Broadway á laugardaginn. Það var alveg rosalega gaman. Maturinn var fínn en sjóvið og ballið var alveg meiriháttar. Það var verið að sýna "Með næstum allt á hreinu" sem er söngleikur með Stuðmannalögum. Það myndaðist frábær stemmning í salnum og ég held að það hafi varla verið nokkur maður sem ekki söng með og dillaði sér á stólnum. Síðan var hljómsveitin "Í svörtum fötum" að spila á ballinu og það var ekki síður skemmtilegt enda var maður aðallega á dansgólfinu að tjútta. Það er langt síðan ég hef skemmt mér svona rosalega vel. Lappirnar á mér voru ansi lúnar daginn eftir en það skiptir ekki máli þetta var svo rosalega gaman.

Perla tók þátt í Íslandsmóti í fimleikum á laugardaginn og hún stóð sig með ágætum þó svo að hún hafi ekki unnið nein verðlaun enda mörg félög að keppa og minni möguleikar á að næla sér í medalíu.

Þetta virðist allt ætla að ganga upp hjá okkur :) Við seldum íbúðina okkar í dag, jess. Þá getur maður slakað á yfir því. Við fáum afhent ekki seinna en 20. janúar og eigum að skila okkar 1. febrúar, þetta smellpassar allt saman.
Skólahald hér á Íslandi er í tómu tjóni. Sett voru lög á kennara um helgina og í gær voru nánast allir krakkarnir sendir heim því kennarar voru annað hvort "veikir" eða ákváðu að mæta ekki og í dag þá var þetta svipað, við sendum stelpurnar ekki í skólann í dag. Ég held ég hafi heyrt einhversstaðar í gær að um 20% kennara hafi mætt til vinnu í gær, þori þó ekki að fullyrða þá tölu en ástandið er vægast sagt mjög slæmt. Kennarar eru svo sárir og svekktir að það ætla mjög margir að segja upp hef ég heyrt.
Aðeins yfir í léttari sálma, nú kyngir niður snjó þannig að krakkarnir eru duglegir að fara út að leika sér enda er alltaf gaman að leika sér í snjónum.

Hitt og þetta

Það er allt fínt að frétta af okkur, dagarnir gjörsamlega fljúga frá manni. Eyþór flaug til Tálknafjarðar um helgina til að spila, það gekk ágætlega nema það vantaði allt fólkið á staðinn. Mér skildist að það hefði verið árshátíð helgina áður þannig fólk var kannski enn að jafna sig eftir hana svo voru heldur ekki komin mánaðarmót þannig að enginn hefur átt pening til að fara á djammið. Það er hinsvegar alltaf sama sagan með mig, læra, læra, læra - það er samt svo erfitt að sitja bara og lesa enda er ég iðulega að finna mér eitthvað annað að gera eins og að setja í þvottavélina og þess háttar, kannast ekki einhver við þetta!!!
Stelpurnar fór í skólann á mánudaginn eftir 6 vikna verkfall sem væntanlega heldur áfram nk. þriðjudag þ.e. ef kennararnir fella samninginn sem flestir búast við. Þetta er ömurlegt ástand, vona að það leysist nú samt fljótlega og það verði gerðir samningar en ekki verði sett lög á kennarana, ekki er það nú betra. Stelpurnar eru mjög ánægðar í skólanum núna og ég er ekki frá því að það sé aðeins léttara yfir þeim núna enda ekki gaman að hanga heima í 6 vikur.
Það byrjaði að gjósa í Grímsvötnum á mánudagskvöldið 1. nóv. hægt að fylgjast með því á mogganum.

Afmæliskveðja

Hann á afmæli í dag
hann á afmæli í dag
hann á afmæli hann Eyþór
hann á afmæli í dag

yehhh

Til hamingju með daginn Eyþór minn.
Kveðja frá fjölskyldunni : )

Nú er sko aldeilis törn hjá minni, endalaus verkefnaskil og próf. Maður verður hálf ringlaður þegar það er svona mikið að gera hjá manni, maður fer að hugsa um allt milli himins og jarðar annað en það sem maður á að vera að gera. Ég t.d. setti inn nokkrar myndir til viðbótar en á reyndar eftir að bæta inn fleiri, geri það síðar - má ekki festast á netinu, nóg eftir að lesa, er að fara í próf á morgun.

Endilega skrifið í gestabókina, gaman að vita hverjir eru að fylgjast með manni :-)

Brrrrrrr

Jæja það hlaut að koma að því, það snjóaði í nótt. Ég var nú ekki alveg tilbúin fyrir snjó og kuldabola brrrrr, það er hrikalega kalt úti enda -3° og mikill vindur. Hefði verið til í að kúra áfram í morgun en ég varð víst að drífa mig í tölfræðitíma kl. 8.15 (spennandi).
Gaman, gaman, nú er heimilistölvan okkar komin í lag. Hún neitaði að hleypa okkur inn í stýrikerfið en því var reddað og öllum gögnunum líka :) Tölvan var troðfull af allskonar vírusum og drasli enda var hún orðin frekar leiðinleg við okkur.
Ég held svei mér þá að dætur okkar verði algjörlega tannlausar ef svona heldur áfram, Perla var að missa aðra tönn á laugardaginn!

Tvær tannlausar :) 

Tennur

Í dag gerðist svolítið merkilegt, báðar stelpurnar misstu tönn, fyrst Ólöf og svo tæplega þremur tímum síðar Perla. Þær eru ekkert smá ánægðar með sig. Ólöf er nánast tannlaus, það vantar í hana þrjár tennur, báðar í efri góm og aðra í neðri góm. Við smellum mynd af þeim fljótlega og setjum á netið til gamans.

Danmerkurferðin í ágúst - september 2004

Sætar systur í bambagarðinum í Aarhus í ágúst sl.
Við skelltum okkur til Danmerkur í tvær vikur sem var alveg meiriháttar gaman. Það var ótrúlegt hvað við höfðum gott af þeirri ferð, hittum fullt af fólki og gátum einnig slakað rosalega vel á. Við vorum fyrst í Kaupmannahöfn hjá Ágústi bróður hans Eyþórs. Það var rosalega gaman að hitta alla þar. Við tókum okkur einn dag í Tívolínu og skemmtum okkur rosalega vel þar, veit ekki hvort börn eða fullorðnir skemmtu sér betur c") Pabbi hans Eyþórs kom frá Svíþjóð sem var stór plús því það var eitthvað sem við vissum ekkert um. Við fórum svo yfir til Jótlands m.a. svo Eyþór gæti farið á mótorhjólamót - Morsten :) þá skelltum við dömurnar okkur hinsvegar í heimsókn til Elísabetar, Vigfúsar, Ágústu Eir og Heimis Þórs sem búa í Hobro, það var rosalega gaman. Gistum hjá Nonna og Áslaugu í rúma viku, okkur leið alveg rosalega vel þar og þökkum við æðislega fyrir okkur.

Fyrsti blogg dagurinn c")

Halló nú erum við búin að stofna bloggsíðu og við ætlum að reyna að vera dugleg að láta vita af okkur, reyna að setja inn myndir og hafa gaman af.